為「共生音樂節」錄製的短片講稿（漢羅版）
說明：有人認為二二八事件需要正名，因為「事件」這兩個字過於輕描淡寫，無法呈示它的血腥和恐怖。這個說法不是沒有道理，一般提到「二二八事件」，其實指稱兩個非常不一樣的階段：一是2月28日到3月8日上午；二是軍隊上岸之後的武力鎮壓，從當天持續到5月15日，其間用官方的用語，又有「綏靖」和「清鄉」的分別，持續兩個多月。軍隊上岸後，台灣中壯層菁英、青年和學生死傷慘重。世界上任何重大事件，通常不會是一天的事情，例如1930年的霧社事件，不是10月27日這一天的事，「事件本身」至少延續40多天；「二二八」也不是66年前2月28日這一天的事。因此，在事件進行的時段內，每天都是我們可以紀念、省思的日子，也只有這樣，我們才能體會事件的時間深度，避免點化、扁平化曾經實存過的慘痛經驗。
這篇小文是我受獨立青年陣線之邀，為二二八「共生音樂節」錄製文宣短片的講稿。在短片中，我用台語（福佬話）講，承蒙陳豐惠女士為我修改校正漢羅書寫方式，謹此致上深謝之意。
短片連結：
（共三段影片，須分次點閱）
在3月8日的前夕，僅以這篇小文紀念在三月屠殺中（含3月6日在高雄）犧牲的政治社會菁英、青年和學生。（周婉窈 2013/03/07）
陳澄波，《阿里山之春》，1935。
學生希望我ē-tàng（會當；「可以」）講三個問題：第一、我án-chóaⁿ（按怎）知影二二八事件？其次，二二八和目前siōng（上；「最」）有關係的面相是什麼？第三、咱欲án-chóaⁿ（按怎；「要如何」）行出二二八？
一、我án-chóaⁿ知影二二八事件？
我第一遍聽著二二八，是真細漢的時，ē記得猶未讀冊。有一日，我佇榻榻米頂頭chhit-thô，爸爸kap一個人客坐佇外面的椅仔teh講話。可能發現有囡仔佇邊–a，爸爸hiông-hiông頭o̍at過來，用真互人ē驚著的聲調講：「你出去，bē-tàng kap人講阮teh講二二八。」我驚一tiô，其實，我根本m̄知影in teh講啥，但是去互驚著，知影二二八是真恐怖的代誌，若講就會危險。
Koh來就是，阮厝邊有一個 張老師，教初中。熱天的時，穿短褲，伊的小腿有一個空嘴，一空，真深koh烏烏，囡仔攏teh講，he是二二八的時，互槍砰（pōng）著，槍子挖起來的號。我想這mā是囡仔人聽大人講的。
所以我一直到大學一二年的時，對二二八iáu-koh無什麼了解。有一遍， 和老師、同學行佇台大校園，有一個同學可能想講我bat真濟，伊就細聲問我：「周婉窈、周婉窈，你知道二二八是什麼嗎？」我搖頭，恬恬，無kā伊應。我想這位同學可能kiō我不敢講，實在是我m̄知影。大概佇大學三年的時，我開始看chi̍t-kóa-á資料，比如講吳濁流的小說，尾仔mā有機會偷看George Kerr的Formosa Betrayed，慢慢有一個了解。不過，像講咱佇二二八犧牲的台灣菁英，陳澄波、王育霖、吳鴻麒、湯德章、阮朝日，等等的情形，攏是尾仔chiah知影的。
影響台灣hiah大的代誌，是án-chóaⁿ bē-tàng講？主要就是，其中有真大的不公和不義，人民若知影真相，會動搖黨國統治的基礎。所以，本來知影的人bē-tàng講，m̄知影的人bē-tàng互in知影，愛am-khàm起來。親像我細漢真愛看冊，m̄-bat佇冊內看著二二八。根據統計，1949年到1987年，38冬的戒嚴時期，主要的三間報社，kan-na有14條的報導有提起，koh攏是官方的講法。這個情形，和中國的六四事件，有親像的所在。中國的人民，若是知影六四事件的真相，會動搖中共統治的根本，所以bē-tàng互人民知影。中國禁止講六四，已經滿23冬，真濟的人，尤其是少年人，連六四mā m̄-bat聽過。靠am-khàm大不公、大不義來維持政權的黨國，是不應該存在，偏偏am-khàm真有效果，今仔日有真濟受黨國教育成功的人，猶原ùi心理上拒絕了解二二八的真相。
二、二二八和目前siōng有關係的面相是什麼？
首先，我想欲和大家分享的是，二二七 hit暗，查緝私煙的血案，佇hit當時，大家就認為是二二八事件的導火線，今仔的研究mā是án-ne。是án-chóaⁿ一條線著火，會引起大規模的爆發，這就是已經有彼個勢佇hia，到處充滿著汽油和gas，才有可能一個意外的事件，引起全島激烈kap一致的反應。
二二八和今仔直接有關係的面相，有四點值得我們注意：
第一點：蔣介石派軍隊來台灣鎮壓，軍隊上岸以後，siōng大的一個任務，就是去破壞報社。無幾工內，本地的新聞工作者，互伊掠去的、逃亡的，真正濟，死傷的慘重，比例上超過其他行業。這就是，專制獨裁的政權，知影控制媒體的重要。控制媒體，就ē-tàng控制消息，控制人的思想。
今仔日，台灣青年起來反媒體壟斷，就是beh確保消息有多元的來源、伊的流通，bē受控制。一旦受控制，就會像二二八以後án-ne，m̄知愛koh花費偌久的時間，才ē-tàng扭轉過來。
第二點：二二八發生以後，咱台灣的社會菁英，出來組織「二二八事件處理委員會」，和陳儀談判，要求政治改革。陳儀一方面和in談判，一方面偷偷打電報互蔣介石，要求派兵。伊啥物攏答應，到伊確定軍隊會來的時，伊koh起歹面，講好的規盤péng-péng掉，處委會真濟人互軍隊掠去槍殺。這mā是咱愛真注意的所在，愛會記得教訓。
第三點：就是學生的角色。二二八發生的時，學生的參與真正深，in受處委會委託維持治安，真濟所在因為án-ne治安ē-tàng恢復。這是少年人關心國家社會、參與公共事務的積極表現。軍隊上岸以後，學生死傷真慘重，有一、二百個人集體互人槍殺的案例，互咱真痛心。所以二二八，其實對少年人來講，實在特別有意義，特別值得追思。
最後一點：就是原住民的參與。這點佇今仔有關二二八的研究裡面，比較無受著重視。咱若看hit當時的報導，就知影原住民東西南北攏有和漢人做伙起來反貪官污吏，要求政治改革。這是咱台灣歷史上，第一遍原住民kap漢人做伙反抗外來腐敗、無合理的統治，值得咱來了解，來繼承原漢這種合作的精神。二二八32條的要求，有一條要求：確實保障原住民的政治經濟地位kap應該享有的利益。我們今仔日離這個目標，iáu真遠。
三、咱欲án-chóaⁿ行出二二八？
我認為ē-tàng分兩個方面來談。首先是受難者的立場，其次是社會層次的問題。
二二八的創傷猶未過去。咱的社會，若提起二二八，主流的論述，就講：咱愛「行出悲情」。叫人行出悲情khah容易，假使你若是受難者的家屬，這種苦楚，毋是隨便就會當感受到的。比如講，1930年的霧社事件，到今仔日已經82冬，第四代還有bē-tàng行出創傷的族人。二二八慢霧社事件17冬發生，mā iáu有真濟的家屬kap囝孫活佇二二八的陰影下。世界重大的慘案，愛有真相，才有和解，受難者kap家屬才ē-tàng選擇原諒。
徛佇咱台灣社會的立場，咱的菁英、咱的青年、學生，為著公共事務，為著咱台灣的前途，來犧牲，來互人拍破身軀。In的犧牲若欲有意義，就是咱愛繼續行in的路，關心公共事務。假使今仔若iáu有長輩給你講：「M̄-thang（毋通）去chhap國家社會的代誌，自保khah要緊。」án-ne，咱的社會，koh猶未行出二二八的陰影。
二二八猶未過去，咱愛繼續努力，才ē-tàng行出二二八，撥開罩佇咱美麗的島嶼頂頭的陰霾，來做一個光明、公義的國度。
![「臺灣民俗文物館【樂齡大學】開課囉!
104年度樂齡大學[春季班]，結合臺灣民俗文物館館內資源，提供多元特色課程，以「快樂學習」為目標，開啟不同年齡層的學員進入地方文物館學習的契機，更共享豐富的教學資源，讓更多大朋友、小朋友體驗選修自己喜愛課程的自由及學習的樂趣，並在課程結束時，舉行畢業典禮，一圓許多大朋友的學校上課夢；增加小朋友的自信心~
【樂齡大學】誠摯邀請您與我們一同樂在學習，不分年齡！
※課程內容:請點選網址查看課程表
[http://ppt.cc/mgbY]
※報名方式:
1.點選網址報名[http://goo.gl/forms/88xIEloABP]
2.親臨臺灣民俗文物館櫃台報名或洽詢
※繳費辦法:
1.網路報名表填寫完成後，三天內匯款完成，來電確認款項無誤即報名成功
◎匯款資訊: 戶名：紘博創藝有限公司
◎分行代號：013國泰世華銀行崇德分行
◎帳號：241-03-500442-1
2.親臨臺灣民俗文物館櫃台繳款，請洽負責人[伍小姐]
※洽詢專線：04-2245-1310 伍小姐
※注意事項：
1.每班都有最低報名限制，滿班才開課喔！
2.開課前兩周，本館將於官網公布該課程是否開課，如有疑問請來電洽詢！
[官方網站:http://www.taiwan-story.com.tw/；粉絲專頁:http://goo.gl/8P7W9C]
3.若人數不足，無法開班，本館將全額退費。
[請於接到本館聯繫電話三天內，攜本人證件至館內領取退費金額] 」](https://scontent-sjc.xx.fbcdn.net/hphotos-xpf1/v/t1.0-9/s526x395/11018905_718296561619816_6623266785799366310_n.jpg?oh=01b43c38cb85ccb08747cef8005c14a8&oe=558626E3)
